Vasilika Hysi largohet nga politika, “nxënësja” e saj, Etilda Gjonaj do të kryesojë listën e Tiranës

E katapultuar për të drejtuar listën e Tiranës, nga kryeministri Edi Rama në momentet e fundit të shpalljes së listës së kandidatëve për deputetë për zgjedhjet e 2009-ës, Vasilika Hysi ka dhënë dorëheqjen nga politika.

Ajo nuk do të garojë për një mandat të katërt në emër të PS-së.

"Do u lë vendin kalamajve", tha Rama referuar nxënësve të saj, Toni Gogu, Etilda Gjonaj. Kjo e fundit, që mban detyrën e Ministres së Drejtësisë, pritet të drejtojë listën e PS-së për Tiranën.

“Ishte kënaqësi që unë sot siç hyra 12 vite më parë në politikë me një ëndërr në politik bëj këtë dalje, që në këto vite bëmë realitet një ëndërr që e kishim të gjithë bashkë.

Do doja të sillja në vëmendje një takim miqësor në parti për paktin kombëtar për drejtësi, një kërkesë me 10 pika që luftuam për të bërë një pakt kombëtar, por që opozita e atëhershme nuk e realizoi asnjë herë.

Kemi luftuar për ta bërë këtë reformë në drejtësi dhe kjo reformë ka qenë një proces shumë gjithëpërfshirës dhe jam krenare që ne mund t'ia dalim, dhe e dinim që kësaj reforme do i vinin shkopinj në rrota, por ia dolëm, se reforma nuk u krye nga deputetë të PS, por nga rreth ekspertë profesionist nga të gjitha vendet, dhe për këtë për mua ka qenë një universitet i dytë”, th Hysi gjatë aktivitetit të organizuar nga kryeministri për “Drejtësinë që duam”.

“Zbatimi i saj në mandatin e dytë qeverisës është një shkollë e vërtetë, i kemi dhënë mazhorancës së asaj kohe për të bërë një pakt kombëtar, por ajo nuk e pranoi, por ne ia dolëm të vetëm.

Ndihem e privilegjuar që kam qenë pjesë e kësaj Reforme, kam ardhur në politikë pa qenë pjesë aktive e politikës dhe në tre zgjedhjet kam pasur pozicione shumë të mira në listë, faleminderit që keni mbështetur gratë dhe vajzat dhe e treta që kemi pasur një armatë shumë të mirë në PS, Toni, Klodi dhe Etilda, kanë qenë 3 studentë të shkëlqyer. Ju falënderoj juve zoti Rama, por edhe të gjithë qytetarët. Ato na kanë falenderuar për reformën në Drejtësi", tha Hysi.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.