.png)
Komisioneri i BE për Zgjerim dhe Fqinjësi, Oliver Varhelyi i është drejtuar politikës shqiptare me një thirrje të fortë që të mbështesin pa vonesa procesin e ngritjes së Gjykatës Kushtetuese.
Përmes një mesazhi në Twitter, Oliver Varhelyi shkruan se e mirëpret hapjen e vakancave për në Gjykatën Kushtetuese dhe plotësimin e saj si një kërkesë thelbësore e Këshilit Europian para Konferencës së Parë Ndërqeveritare.
“Mirëpres hapjen e procedurave të aplikimit për 2 vakancat për në Gjykatën Kushtetuese. Është thelbësore që të gjitha autoritetet ta mbështesin këtë proces pa vonesë. Kjo është një kërkesë kryesore e Këshillit Europian. Të ketë përfundime para Konferencës së Parë Ndërqeveritare. BE vazhdon të mbështesë Shqipërinë në rrugën e saj të pranimit”, shkruan ai në Twitter.
Hapja e dy vakancave nga Kuvendi dhe Presidenca u përshëndet në Tiranë nga Ambasadorja e SHBA, Yuri Kim, e cila ftoi edhe juristët që të bëhen pjesë e garës.
“Falenderoj Presidentin Ilir Meta dhe kreun e Kuvendit, Gramoz Ruçi për rishpalljen e vakancave për Gjykatën Kushtetuese. Shpresojmë që juristët do t’i përgjigjen kësaj ftese të rëndësishme dhe t’i shërbejnë vendit të tyre. Le ta çojmë përpara drejtësinë”, shkruan ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
