Agjencia Europiane e Barnave (EMA) ka njoftuar sot se do të vendosë “brenda javësh” për autorizimin ose jo të vaksinës të kompanive Pfizer dhe BioNTech.
"Një mendim mbi autorizimin mund të lëshohet brenda disa javësh duke i nisur nga të dhënat për cilësinë, sigurinë dhe efektivitetin e vaksinës", thotë EMA. Agjencia njofton se në skenarin më të keq vlerësimi për vaksinën mund të merret gati maskimumi deri më 29 dhjetor.
Edhe kompania Moderna e cila ka përfunduar fazat e testimit të vaksinës së saj kundër Covidd-19, kërkon autorizimin për përdorim në vendet europiane. Vendimi për këtë vaksinë mund të merret jo më vonë se data 12 janar.
Në javët e fundit, rezultatet pozitive të vaksinave kanë ngjallur shpresat për t'i dhënë fund pandemisë që ka goditur ekonomitë, dhe ka marrë më shumë se 1.45 milion jetë në të gjithë botën. Të dyja këto kompani synojnë autorizimin edhe për përdorim të vaksinave në Shtetet e Bashkuara.
Këshilltarët e pavarur të Administratës Amerikane të Ushqimit dhe Barnave do të takohen më 17 dhjetor për të shqyrtuar të dhënat e provave të Moderna-s. Ata do të takohen më 10 dhjetor për të shqyrtuar të dhënat e kompanisë Pfizer. Menjëherë pasi të fitojë autorizimin e përdorimit emergjent, Moderna pret që vaksina të transportohet në pikat e caktuara të shpërndarjes në të gjithë Shtetet e Bashkuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.