.png)
Gazeta Si – Një tentativë për kalimin e paligjshëm të kufirit drejt Malit të Zi është goditur në Shkodër, ku dy të rinj u arrestuan pasi u kapën duke transportuar me furgon 15 emigrantë nga vendet e Afrikës.
Të arrestuarit janë 22 vjeçari me inicialet E. A., dhe 19 vjeçari me inicialet M. F. të dy banues në Fushë-Arrëz. Ata u ndaluan në fshatin Vukpalaj, pranë kufirit me Malin e Zi, ndërsa, sipas Policisë, po transportonin emigrantët kundrejt pagesës.
15 emigrantët kishin si synim të kalonin në mënyrë të paligjshme në territorin e Malit të Zi, por u ndaluan gjatë kontrolleve të Policisë Kufitare, e cila kishte organizuar një operacion pas informacioneve të siguruara në rrugë operative.
Furgoni i përdorur për transportin e emigrantëve u sekuestrua, ndërsa ndaj dy të rinjve nisi procedimi penal për veprën penale të dhënies ndihmë për kalim të paligjshëm të kufirit. Materialet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje