.png)
Gazeta Si – Në Gjykatën Penale të Tiranës u mbajt seanca për caktimin e masës së sigurisë ndaj aktivistes turke, Julide Yazici, e cila u arrestua më 5 gusht nga Policia Kufitare në aeroportin e Rinasit me qëllim ekstradimin e saj drejt Turqisë, ku u vendos mbajtja në qeli e saj..
Yazici rezulton e dënuar me 4 vite e 2 muaj burgim nga Gjykata e Stambollit, nën akuzat për “Dhënien e ndihmës logjistike për organizatë terroriste” dhe “Pjesëmarrjen në grupe terroriste”.
Sipas të dhënave nga mediat turke, ajo punon si mësuese dhe ka qenë pjesëmarrëse në protestat e organizuara kundër presidentit të Turqisë, Recep Tayyip Erdoğan. Po sipas këtyre burimeve, 32-vjeçarja turke kishte siguruar leje qëndrimi në Francë.
Në seancën gjyqësore në kryeqytet janë paraqitur për ta mbrojtur dy avokatë, një shqiptar dhe një turk. Ky i fundit mësohet se ka vënë në dijeni edhe Ambasadën e Francës në Tiranë lidhur me ndalimin dhe procedurat e ekstradimit ndaj Julide Yazici, për shkak të lejes së qëndrimit që ajo gëzon në shtetin francez. Gjykata pritet të shprehet mbi masën e sigurisë pas dëgjimit të palëve.
Prokurori Francesk Ganaj ka kërkuar “arrest në burg”, sepse rezulton e kërkuar, ndërkohë edhe gjyqtari Kujtim Vraniçi ka pranuar ta lërë në burg.
Avokati deklaroi se e dyshuara, tha para gjykatës: “Është e persekutuar politike”, pasi sipas saj “ka protestuar kundër Erdogan dhe nëse kthehet, i rrezikohet jeta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje