Vajza po i nënshtrohet kimioterapisë, pasi u zbulua nëntorin e kaluar se kishte një tumor. Prindërit vendosën që mënyra më e mirë për ta mbrojtur atë nga virusi ishte ndarja.
Imazhi i një vajze katërvjeçare duke puthur babanë e saj përmes xhamit të një dritareje është bërë emblema e rëndësisë së izolimit në luftën kundër koronavirusit. Emri i saj është Mila Sneddon, ajo jeton me familjen e saj në Falkirk, Skoci dhe po i nënshtrohet kimioterapisë, pasi u zbulua në nëntorin e kaluar se kishte një tumor. Scott dhe Lynda, prindërit e saj vendosën që mënyra më e mirë për të mbrojtur fëmijën nga virusi do të ishte ndarja, duke shkuar për të jetuar në shtëpi të ndryshme. Në fakt, babai ka një punë që e sjell atë në kontakt me shumë njerëz, gjë që paraqet një rrezik shumë të madh për gjendjen e vajzës së tij. Tani ata janë parë vetëm në dritare ose në ‘FaceTime’. “Herët e para që Mila u hutua dhe më pyeti: “Po pse nuk mund të hyjë babi?”, thotë Lynda, e cila më pas arriti të shpjegojë se kjo situatë e çuditshme ishte vetëm për të mirën e saj. Ishte nëna që vendosi foton lëvizëse të përshëndetjes mes Mila dhe Scott në rrjet: imazhi u mor më 20 Mars dhe ka mbledhur 37,000 ndarje. “Shpresoj që historia jonë të ndihmojë për të kuptuar rëndësinë e qëndrimit në shtëpi, - shpjegoi Lynda, - për fat të keq ka shumë njerëz të rrezikuar si Mila që po rrezikojnë jetën e tyre”. Në fotot Scott Sneddon buzëqesh me vajzën e tij Mila, 4 vjeç, e cila lufton kundër kancerit. Familja jeton në Falkirk, Skoci.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.