Ne rrjet

Vajza e dy emigrantëve, Kamala Harris gruaja që u fut në histori

Joe Biden shkroi historinë kur njoftoi mbrëmë se kishte zgjedhur Kamela Harris si bashkëudhëtare në garën presidenciale. Biden, i cili ka shërbyer vetë si zëvendëspresident gjatë presdencës Barack Obama, ishte zotuar se do të përzgjidhte një grua.

Biden e ka cilësuar senatoren Harris si luftëtare të guximshme dhe një nga zyrtaret më të mira të SHBA-së.

Përmes një tjetër postimi në rrjetin social, Facebook, Biden njoftoi se ka përzgjedhur Kamalan sepse i duhet afër vetes dikush e mençur, e fortë dhe e gatshme për të udhëhequr në këto kohë jonormale.

“Këto nuk janë kohë normale. Për herë të parë në historinë tonë, ne po përballemi me tri kriza historike, të gjitha në kohë të njëjtë. Ne po përballemi me pandeminë më të rëndë në 100 vjet. Krizën më të rëndë ekonomike prej Depresionit të Madh dhe thirrjet më të fuqishme për drejtësi mes racave në gjeneratë”.

Edhe vetë senatorja Harris ka thënë se është e nderuar që do të garojë bashkë me Biden.

“Joe Biden mund të bashkojë popullin amerikan sepse e ka kaluar gjithë jetën duke luftuar për ne. Si president, ai do të krijojë që Amerikë që jetëson idealet tona. Unë jam e nderuar t’i bashkohem si kandidate për zëvëndëspresidente dhe do të bëj gjithçka që mundem për ta bërë atë komandantin tonë të përgjithshëm”, ka thënë ajo përmes një postimi në rrjetin social, Twitter.

Ajo është gruaja e parë amerikane me ngjyrë që do të garojë për këtë pozitë. Harris, dikur rivale e Bidenit në garën për pozitën kryesore në Shtëpinë e Bardhë, është konsideruar për kohë të gjatë si politikane që do të mund të garonte me ish-nënpresidentin amerikan.

Ish-Prokurorja e Përgjithshme e Kalifornisë ka bërë thirrje për reforma policore në kohën e protestave kundër-racizmit javë më parë në SHBA. Ndërkohë, zëvëndëspresidenti aktual amerikan, Mike Pence, do të vazhdojë të garojë me Trumpin për një mandat të dytë.

Harris, e cila fillimisht është parë si figurë që rritej shpejt brenda Partisë Demokratike, pati hequr dorë nga gara për presidente në dhjetor të vitit të kaluar.

Zoti Biden, përmendte gjithashtu edhe bashkëpunimin e Senatores Harris, që ka qenë Prokurore e Përgjithshme e Kalifornisë, me të birin e tij, Beau që ishte Prokuror i Përgjithshëm i Delauerws.

“Pashë se si ata u përballën me bankat e mëdha, mbështetën njerëzit e punës dhe mbrojtën gratë dhe fëmijët nga abuzimet. Isha krenar për ta dhe jam krenar sot ta kem partnere në këtë fushatë”, shkruante ai.

Kush është Kamala Harris?

55 vjeçarja ka lindur në Oakland të Kalifornisë dhe është bijë imigrantësh nga Xhamaika.

Nëna e Harris, Shyamala Gopalan, erdhi në Shtetet e Bashkuara nga India për të ndjekur një diplomë doktorature në Kaliforni. Babai i saj, Donald Harris, mbërriti nga Xhamajka dhe dha mësim në ekonomi në Universitetin Stanford.

Balachandran, xhaxhai 80-vjeçar i Harris, qeshi dhe u shpreh se ishte “shumë, shumë të lumtur” me lajmet.

Motra e tij Sarala Gopalan, një mjeke në pension në qytetin jugor indian të Chennai, i tha një kanali televiziv indian se e gjithë familja ishte e emocionuar nga lajmet. Ajo vlerësoi Harris si një mbesë të sjellshme dhe të përkushtuar.

Në mediat sociale, politikanët dhe komentuesit indianë shprehen gjithashtu krenari për zgjedhjen e saj. Harris, kuptimi i emrit të së cilës do të thotë “zambak” ka thënë se pas divorcit të prindërve të saj, nëna rriti dy vajzat me një vlerësim të trashëgimisë së tyre të dyfishtë.

“Nëna ime indiane e dinte që po rrit dy vajza me ngjyrë,” tha Harris në një intervistë me Los Angeles Times në 2015.

Në Xhamajka, miqtë e babait të Harris thanë se ishin të kënaqur me zgjedhjen. Richard Bernal, një ish ambasador i Xhamajkës në Shtetet e Bashkuara, e krahasoi situatën kur Colin Powell u bë Sekretari i Shtetit i SHBA, pasi prindërit e Powell ishin emigrantë nga Xhamajka. 

Ajo është diplomuar në Universitetin e Kalifornisë, në Fakutetin e së Drejtës dhe në vitin 2010 u zgjodh si prokurore e përgjithshme e Kalifornisë. Zonja Harris arriti në Uashington më pak se katër vjet më parë si senatore e Kalifornisë.

Disa këshilltarë kryesorë të zotit Biden dukej se kishin ngritur pyetje për besnikërinë dhe ambiciet e saj, por dukest se ai i kapërceu këto rezerva.

Zonja Harris kishte bërë disa takime këtë javë me këshilltarë të zotit Biden, për të diskutuar mbi këto shqetësime.

Kandidatura të tjera që po konsideroheshin ishin Karen Bass, një anëtare kongresi afrikano-amerikane nga Kalifornia, ish-këshilltarja e sigurisë kombëtare, Susan Rice, ish ligjvënësja e shtetit të Xhorxhas, Stacey Abrams, senatorja aziatiko-amerikane.

Duke komentuar kandidaturën e senatores Harris, presidenti amerikan, Donald Trump ka thënë se ajo ka thënë shumë deklarata që nuk janë të vërteta. “Ajo përkrah shumë rritjen e taksave”.

“Ajo dëshiron të zvogëlojë fondet për ushtrinë tonë në nivelin që askush nuk mund ta besojë”, ka thënë Trump nga Shtëpia e Bardhë.


Presidenti Donald Trump, reagoi duke thënë se Harris kandidoi për postin e presidentit në garën brenda Partisë Demokrate duke përqafuar të majtën radikale dhe se amerikanët e hodhën poshtë kandidaturën e saj.

Joe Biden “po ia jep frenat në dorë Kamalës, ndërsa të dy ata përqafojnë të majtën radikale”, thuhet në video. “Joe i ngadaltë dhe Kamala hipokrite: të përkryer së bashku, të gabuar për Amerikën”, thotë ai.

Ish-presidenti amerikan, Barack Obama ka thënë se senatorja Harris është shumë e përgatitur për pozitën që është përzgjedhur të garojë.

“Unë e njoh senatoren Kamala Harris për një kohë të gjatë. Ajo është tejet e përgatitur për këtë punë. Përgjatë karrierës së saj ajo ka mbrojtur Kushtetutën tonë dhe ka luftuar për njerëzit që kanë pasur nevojë për drejtësi. Kjo është ditë e mirë për shtetin tonë. Le të fitojmë tani”, ka thënë ai përmes një postimi në rrjetin social, Twitter.


Copyright © Gazeta “Si”



Më Shumë