.png)
Nga Gazeta 'Si'-SHBA ende nuk i ka verifikuar raportimet se Serbia i ka tërhequr trupat nga kufiri pranë Kosovës dhe konfirmimi erdhi nga zëdhënësi i DASH, Mathew Miller.
“Ka patur disa raportime se Serbia e ka tërhequr personelin ushtarak dhe pajisjet nga kufiri me Kosovën. Ne ende nuk e kemi verifikuar këtë. Do vazhdojmë të kërkojmë përsëri informacion. Por nëse është e vërtetë, do të jetë një hap i mirëpritur nga ana jonë. Ne vazhdojmë të jemi të shqetësuar për një cikël tensionesh në rritje dhe dhunën sporadike në veri të Kosovës dhe vazhdojmë të inkurajojmë të dy palët, që të rikthehen në dialogun e ndërmjetësuar nga BE”, tha zyrtari amerikan.
Ai shton se SHBA janë vazhdimisht në kontakt me autoritetet e Prishtinës dhe Beogradit, për të mbajtur nën kontroll tensionet dhe dhunën në veri të Kosovës.
“Ka patur bisedime. Sekretari Blinken sigurisht që ka folur të premten me presidentin serb Vuçiç, ka patur bisedime edhe përgjatë fundjavës por bisedime të një niveli tjetër, brenda Departamentit të Shtetit”. Shtoi Miller.
Miller thotë se zgjidhja mes dy vendeve, vjen vetëm përmes dialogut të ndërmjetësuar nga Bashkimi Europian.
Komandanti i ushtrisë serbe Milan Mojsiloviç tha të hënën se Serbia i ka tërhequr disa trupa të stacionuara pra kufirit me Serbinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
