.png)
Gazeta Si – Një gol i Bouen në fundin e ndeshjes ka çuar në ekstazë anglezët e Uest Hemit, të cilëve u mungonte suksesi europian prej 24 vitesh. Fiorentina ka humbur finalen e dytë në pak ditë, pas asaj të Kupës së Italisë.
Finalja e Ligës së Konferencës, e zhvilluar në Pragë, u mbyll me fitoren 2-1 të Uest Hemit ndaj Fiorentinës. Ai që dërgoi në ‘ferr’ italianët dhe anglezët në ‘parajsë’ ishte Bouen, autori i golit të dytë për skuadrën e trajnerit Devid Mojes. Festa ishte e gjitha për anglezët, që ngritën trofeun në qiell.
Ndeshja u zhllokua në pjesën e dytë, me anglezët fituan një penallti që u kthye në gol nga Benhrama. Fiorentina bareazoi shumë shpejt me Xhek Boanventurën dhe kur dukej se dy skuadrat do t’u drejtoheshin shtesave, Bouen realizoi golin e dytë dhe të fitores për Uest Hemin.
Në pjesën e parë, kapiteni i Fiorentinës, Kristiano Biragi, u ça në kokë nga një send i hedhur nga tifozët e Uest Hemit, teksa po bëhej gati të ekzekutonte një goditje këndi. Lojtari i gjakosur mori ndihmën mjekësore, ndërsa arbitri ndërpreu lojën për disa minuta dhe kërkoi që spikeri i stadiumit të bënte thirrje për qetësi. Në atë moment në fushë u hodhën gota plastike.
Fiorentina ultras have arrived and are causing havoc in Prague.
— West Ham Central (@WestHam_Central) June 7, 2023
Be safe, Hammers. pic.twitter.com/jMDKSfbaBQ
Para ndeshjes ndërkohë në Pragë pati edhe përplasje fizike mes dy tifozërive, duke e bërë situatën të tensionuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
