Emergjenca koronavirus kërkon reflektime në futboll në dy pika kryesore: atë të kampionateve kombëtare e atë të kupave evropiane. Pas ndalesës në Champions e Europa League, që erdhi me vonesë nga ana e UEFA, tani po studiohet si e kur të përmbyllen dy kompeticionet evropiane më prestigjioze. Në këtë këndvështrim, Corriere dello Sport raporton zhvillime pozitive pas mbledhjes së djeshme mes UEFA, ECA (shoqatës së klubeve evropiane) e European Leagues, që përfaqëson ligat kombëtare.
Prioriteti mbetet për të përfunduar kampionatet kombëtare, gjithsecili në mënyrën që preferon, por me një afat kohor përtej së cilës nuk mund të kalohet: gjysma e korrikut. Në këtë pikë, ambicia është që të rifillojnë Champions e Europa League, duke i strukturuar si Evropianë të vegjël: një formulë që i lejon të mbyllen në vetëm dy javë.
Në këtë pikë sezoni 2019/20 do të përfundonte zyrtarisht në gusht, pushimet e lojtarëve do të ishin të sigurta – ndoshta duke sakrifikuar ndonjë turne veror – edhe pse rinisja e sezonit 2020/21 nuk mund të vonohet më shumë, pasi në verën e vitit 2021 pritet të luhet Evropiani i ri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.