Luis Enrike kthehet në krye të kombëtares së Spanjës. Lajmi është bërë i ditur nga presidenti i Federatës Spanjolle të Futbollit, Luis Rubiales, në një konferencë shtypi të organizuar sot në Las Rozas. Rubiales ka anashkaluar të gjitha kritikat për largimin e Robert Morenos, zëvendësuesit të Luis Enrikes që e kualifikoi Spanjën në Euro 2020. Ai zëvendësoi Enriken në qershor, kur trajneri u tërhoq për shkak të sëmundjes së vajzës Xana, e cili humbi jetën në moshën 9-vjeçare nga një tumor.
"Ky projekt lindi me Luis Enriken, deri në Katar 2022, - është shprehur Rubiales në konferencë. – Që në momentin e tërheqjes së Enrikes thamë se dyert për rikthimin e tij ishin të hapura, sapo ai të ndihej gati. Kemi qenë transparentë me të gjithë”, - ka saktësuar më tej presidenti i Federatës së Spanjës.
Kohët e fundit ka pasur opinione të ndryshme në Spanjë sa i takon drejtimit të ekipit kombëtar, ku të shumtë janë ata që mendojnë se duhet të vazhdojë Robet Moreno, i cili ka bërë një punë shumë të mirë me “furitë e kuqe”. Për këtë arsye, rikthimi i Enrikes është shoqëruar edhe me disa kontestime.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.