.png)
Gazeta Si - Tre skafistët vlonjatë të arrestuar, pasi u kapën me rreth 1 ton marijuanë në brigjet e Jonit në kuadër të operacionitt “Syri”, janë lënë në “arrest me burg” nga Gjykata e Vlorës.
Arbër Saraseli, 31 vjeç, Saverjo Imeraj, 21 vjeç dhe Qemal Pekmezi, 19 vjeç dolën këtë të mërkurë para Gjykatës së Vlorës. Ata u kapën me 992 kilogramë marjuanë 13 milje larg Vlorës në një operacion të përbashkët me Guadia di Finanzan.
Si pasojë e operacionit është shpallur në kërkim edhe një person tjetër, Gregor Likaj. Ndërkohë, nga ana e Guardia di Finanza janë vënë në pranga 2 ukrainas, të cilët morën drogën nga shqiptarët, duke e shkëmbyer në det.
Sasia prej 992 kilogramësh ishte e ndarë në 153 pako të mbështjella me plastmasë ndërsa mbi paketim kishin shenja të ndryshme.
Sipas policisë italiane, sasia e drogës së bllokuar në Galipoli, në rast se do të hidhej në treg do të kapte vlerën e 10 milionë eurove.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
