Gjykata e Vlorës ka dhënë masën e sigurisë “arrest me burg” për dy personat që u kapën me mina në qytetin e Vlorës.
Seanca gjyqësore është mbajtur sot në orën 9:30, ku prokurorja Ajkuna Anxhaku e ka cilësuar si të ligjshëm arrestin dhe ka kërkuar arrest me burg për dy personat; përkatësisht xhaxha dhe nip. Kërkesa është lënë në fuqi nga gjyqtarja Emirjana Dimo.
Dy ditë më parë u parandalua në Vlorë ngjarja kriminale, kur policia arrestoi xhaxhain dhe nipin, pasi në makinën e tyre kishin fshehur 2 mina me telekomandë, të programuara për shpërthim në distancë.
Për efektivët e përfshirë në këtë operacion, ministri Balla njoftoi edhe shpërblim financiar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.