.png)
Një ngjarje e rëndë ndodhi mbrëmjen e së shtunës, kur portieri i Partizanit, Aldo Teqja, është hedhur nga kati i 6-të i pallatit ku banon në kryeqytet. Fatmirësisht, 24-vjeçari, i cili është transportuar menjëherë në Spitalin e Traumës, është jashtë rrezikut për jetën. Ai ka marrë disa plagë, ndërsa dëmtimet më të shumta i ka pasur në mushkëri.
Menjëherë sapo lajmi është bërë publik, e gjitha bota e futbollit në vend është solidarizuar me portierin e Partizanit, duke i dhënë kurajë në këtë moment mjaft të vështirë. Gjithë klubet e Superiores dhe Federata Shqiptare e Futbollit kanë shprehur me anë të faqeve zyrtare në rrjetet sociale mbështetjen e tyre për Teqjan. Shokët e skuadrës dhe drejtuesit e Partizanit e kanë vizituar në spital, ashtu si dhe shumë lojtarë të ekipeve të tjera.
Nga sa është mësuar, portieri ka qenë në gjendje të rënduar psikologjike për shkak të debateve me partneren e tij. Në gjendje depresive, ai është hedhur nga kati i 6-të, pot për momentin gjendja e tij është e stabilizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
