Sipërmarrësi rus, Nikolai Glushkov, i gjetur i vdekur në apartamentin e tij në Londër në mars të vitit 2018, u mbyt me një litar që përdoret për qentë, në mënyrë që vrasja të dukej se ishte një vetëvrasje.
Lajmi bëhet publik nga media britanike, e cila raporton rezultatin e gjetjeve të mjekëve ligjorë të një gjykate në Londër, e cila po heton çështjen.
Ish-oligarku konsiderohej si një kritik i Vladimir Putin. Hetimet kanë nisur që në vitin 2018, kur 69-vjeçari u gjet i pajetë në apartamentin e tij në New Malden.
Glushkov u largua nga Rusia, pasi u akuzua se kishte mashtruar Flotën Ajrore në kohën kur ishte zv/drejtor dhe në vitin 2010 iu pranua statusi i refugjatit politik në Britaninë e Madhe.
Në vitin 2017, në përfundim të një procesi të shkurtër gjyqësor, ai u dënua me tetë vjet burg nga një gjykatë ruse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.