.png)
Analize
Tytat e armëve ruse në Ukrainë të drejtuara edhe nga Ballkani
Konflikti Rusi-Ukrainë ka ngritur pyetjen nëse kemi të bëjmë me një luftë mes Lindjes dhe Perëndimit. Erblin Iskurti, specialist i Marrëdhënieve Ndërkombëtare arsyeton për Gazetën "Si" se pse nuk mund ta konsiderojmë të tillë.
Ai shpjegon arsyet se përse në rast të një shpërthimi të konfliktit Rusia do të jetë "lose-lose" (me humbje) dhe analizon faktorët që kanë ndikuar në rolin e vogël gjeopolitik të BE-së, NATO-s si dhe reflektimin e krizës në Ballkan.
Një tubim i mbajtur në Kiev të Ukrainës ku nacionalistët ukrainas dolën me pankartat “Thuaj jo Putinit”, Gazeta "Si", 16 shkurt 2022
Nga Megi Iskurti - Në vazhdën e zhvillimeve të konfliktit Rusi-Ukrainë, rrënjët e thella të të cilit shtrihen që në Mesjetë, jo pak herë po ngrihet pyetja nëse në këtë histori kemi të bëjmë me një luftë mes Lindjes dhe Perëndimit. Ethet e më shumë se 4 shekujve mosmarrëveshjesh që kanë mbërthyer botën, dëshmuan që në krye të herës kronikën e një lufte të pashpallur për të cilën rrekemi t’u japim shpjegim shumë pikëpyetjeve gjeopolitike.
