.png)
Një tragjedi e vërtetë i ka ndodhur një të riu nga Thumana që gjeti vdekjen nga tërmeti sapo ishte liruar nga burgu. Kristian Preçi ishte një djalë i cili ishte liruar vetëm pak ditë më parë dhe që fatkeqësisht u nda nga jeta si pasojë e tërmetit të fuqishëm që tronditi Shqipërinë në orët e para të mëngjesit të sotëm.
Kristiani ishte banor i Thumanës, zonës që u godit më shumë nga tërmeti, me tre pallate totalisht të shembur, nën rrënojat e të cilëve u gjetën viktima, ashtu sikundër pati edhe lajme të mira për të shpëtuar brenda atyre rrënoja. Lajmin për ndarjen nga jeta e dha avokati i tij, Ilia Kondi, i cili ka postuar foton e të ndjerit në momentin e lirimit nga burgu.
“Sot humbi jetën nga tërmeti Kristian Preçi banor i Thumanës, klienti im që fitoi pafajësinë pas 5 muajsh burgim të padrejtë. Ngushëllime familjarëve, qoftë i parajsës! Jam pa fjalë…Kristiani ishte një djalë i mrekullueshëm. Iku shpejt”, shkruan avokati Kondi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
