Pranë Qendrës Kombëtare të Biznesit gjatë vitit 2019-ës janë çregjistruar 5882 biznese në të gjithë vendin.
Por megjithatë sipas të dhënave janë 2 mijë biznese të mbyllura më pak se në 2018-ën.
Të dhënat zyrtare tregojnë se pjesa më e madhe e tyre ( 5415) ishin nën pronësi të shtetasve shqiptarë, vetëm 147 me pronësi të huaj dhe 20 me pronësi të përbashkët.
Pjesa më e madhe e bizneseve që u kanë vënë drynin dyqaneve të tyre I përkasin sektorit të tregtisë me shumicë dhe me pakicë; riparimi i automjeteve dhe motocikletav esëbshku 2 117 biznese të mbyllura. Kurse 1 322 subjekte të mbyllura i përkasin shërbimit ushqimor; 392 prej tyre ishin në aktivitete të tjera shërbimi; 310 në industrinë përpunuese, 241 në sektori e transportit dhe magaziminit, 220 në shërbime administrative dhe mbështetesë, ndërsa pjesa tjetër në fusha të tjera të ekonomisë.
Më pak çregjistrime janë në sektorin e energjisë elektrike, gazit, avullit dhe furnizimi me ajër të kondicionuar.
Qarku me biznese më shumë të mbyllura gjatë 2019-ës është Tirana, teksa numri më i vogël i përket Dibrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.