Lajme

Tregtarët e aksioneve kërkojnë për ditë më të shkurta pune

Njerëzit që punojnë me oraret më të zgjatura në tregjet e aksioneve do të donin që oraret e punës të ishin më të shkurtra, tregon një studim i Bloomberg News.

Në të gjithë Europën, 74% e profesionistëve të financave, përfshirë tregtarët e instrumentave financiarë (traders), analistët dhe menaxherët e fondeve, thanë se e favorizojnë uljen aktuale të orarit ditor të tregut të aksioneve, që momentalisht është 8 orë e gjysëm e që tejkalon orarin e punës në SH.B.A. me dy orë.

Rezultatet e sondazhit i japin peshë propozimit për të shkurtuar orët e tregtimit në bursa që të përqendrohet likuiditeti në orët e para dhe të fundit të tregtimit, të zgjatet harku kohor midis raporteve dhe lajmeve të publikuara nga korporatat dhe kohës që tregu është i hapur, si dhe të përmirësohet balanca e jetesës me punën. Shoqata për Tregjet Financiare në Evropë (AFME) dhe Shoqata e Menaxherëve të Investimeve të aktiveve financiarë të Sh.B.A-së kërkuan që në nëntor të kishte shkurtim prej 90 minutash nga dita e tregtimit të tyre.

“Bërja e orëve të tregtimit më të shkurtër do të përmirësojë efiçencën e tregut," shprehet Matthew McLoughlin, kreu i tregtisë në Liontrust Investment Partners.

Në një studim joformal, Bloomberg News pyeti 114 pjesëmarrës të tregut, me 52% me rezidencë në Londër dhe pjesa tjetër me rezidencë në qytetet e tjera të mëdha evropiane, përfshirë Parisin dhe Amsterdamin. Rreth dy të tretat e të anketuarve ishin tregtarë të aksioneve (stock traders), 17% menaxherë të fondeve dhe 16% analistë.  

Një ulje e orarit të tregtisë me një orë favorizohet nga 51% e atyre që advokojnë orare pune më të shkurtra, ndërsa 34% e të anketuarëve dëshirojnë ta shohin orarin e punës së tregtimit të ulur me 1 orë e gjysëm. Si përfundim, një fillim i mëvonshëm në tregun e aksioneve do të vlerësohej nga 78% e të anketuarve dhe 75% janë në favor të një mbylljeje më të hershme.

Ndonëse nuk ka një konsensus të fortë se sa duhet të jenë orët e punës, përgjigjja më e favorizuar dhe e mbështetur nga 28% e të anketuarve, ishte që të vonohej koha e hapjes së tregut me një orë deri në 9 të mëngjesit dhe të mbyllej me reth 30 minuta, në orën 4 të mbasdites.

Përparimet në teknologji gjatë 20 viteve të fundit që e bëjnë më të lehtë tregtimin e aksioneve nga vendet e largëta në mbarë globin janë një arsye pse orët e tregut nuk kanë nevojë të jenë aq të gjata sa janë në Evropë, sipas Helen Thomas, drejtuese departamentit të kembimeve valutore në State Street Global Advisors.

"Tregjet këto ditë janë shumë më efikase në drejtim të kostos së tregtimit dhe përmirësimit të teknologjisë, kështu që njerëzit mund të tregtojnë më lehtë dhe më shpejt nga kudo në botë," shton ajo.

“Fillimi i tregtimit të aksioneve fillon në 8 të mëngjesit (me orën e Londrës) do të thotë që shumica e tregtarëve duhet të jenë në zyrë që nga ora 6 e mëngjesit, duke e bërë më sfiduese për prindërit me fëmijët e vegjël që të punojnë si tregtarë të aksioneve. Kjo sepse është e pamundur të gjesh kopshte apo çerdhe për kujdesin e fëmijëve që në orën 5 të mëngjesit. Orët e gjata dhe fillimi i hershëm gjithashtu i pengojnë të graduarit e universiteteve të shkojnë në industrinë e tregtisë së kapitalit, sepse në vend të kësaj ata mund të punojnë për firmat e teknologjisë që ofrojnë orë fleksibël dhe një ekuilibër pune-jetë”, tha ai.

Sesione më të shkurtra të tregtimit mund të ndihmojnë në ndryshimin e perceptimit që kjo industri do ketë tek gjeneratat e ardhshme. Gjithashtu kjo mund të ndihmojnë në tërheqjen e njerëzve që me këto orare pune nuk do ta konsideronin një karrierë në menaxhimin e pasurive," tha Louise Drummond, nënkryetari i firmës së investimeve në Aberdeen Standard Investations

Disa përgjigje të tjera të sondazhit përfshinin propozime për të filluar tregtimin në orën 11 të mëngjesit (me kohën e Londrës), për të bërë një pushim zyrtar të drekës rreth mesditës, dhe për ta bërë ditën e tregtisë evropiane 24 orë të gjata.

Rezistenca e mundshme

Propozimi për orë të reduktuara mund të pritet me rezistencë nga oraret e bursave europiane. Shtyrja e fillimit të ditës së tregtimit në të gjithë rajonin mund të nënkuptojë që bursa gjermane të mos hapet deri në orën 10 të mëngjesit me orë lokale dhe ajo e Finlandës deri në 11 të mëngjesit me orë lokale.

"Ne besojmë se shkurtimi i orarit të tregtimit nuk është i mirë për tregun pasi zvogëlon mundësitë që investitorët dhe tregtarët aktivë të zbatojnë vendimet e tyre të tregtimit," thotë Peter Vorrath, kreu i biznesit dhe zhvillimit të korporatave për SSË-Trading Gmbh.


Copyright © Gazeta “Si”


Më Shumë