Lincoln House, Flat 2, 89 Westboume Tarrace... Adresa ku shqiptari deklaron se ka jetuar me shtetasen angleze
Nga Gazeta "Si" - Një shqiptar i cili është vendosur nën hetim për pastrim parash nga prokuroria e Durrësit, ka dorëzuar një nga versionet më të pabesueshme përmes të cilit ai argumenton paratë e sekuestruara nga shteti shqiptar në vlerën e një milionë eurove. Siç iu tha G
azetës “Si” nga policia lokale që referoi më pas çështjen në prokurori, hetimi i nisur prej 2015-s vijon ende me vendime gjykatash e rikthime hetimesh, teksa 1 milionë eurot vijojnë të jenë të bllokuara. Ky shtetas vazhdon të jetojë me dokumenta të paligjshme në Londër dhe punon në të zezë, ndërsa në Shqipëri betejën ligjore po e çojnë përpara familjarët e tij.