Pozitiv me Covid-19 ka dalë së fundi trajneri i Bajernit të Mynihut, Julian Nagelsman. Ai humbi ndeshjen e mbrëmshme në Ligën e Kampionëve ndaj Benfikës (bavarezët fituan 0-4), duke iu nënshtruar menjëherë karantinës.
Klubi gjerman ka dalë me një komunikatë zyrtare, ku shkruan: "Edhe pse ka qenë i vaksinuar komplet, Julian Nagelsman, trajneri i Bajern Mynih, ka rezultuar pozitiv në testin e Covid-19. Trajneri do të kthehet në Mynih i ndarë nga skuadra, me anë të një aeroambulancë, për t’u izoluar më pas në shtëpi".
Të shtunën luhet ndeshja e radhës në Bundesligë kundër Hofenheimit, kurse javën e ardhshme bavarezët sfidojnë Borusia Mëshengladbah në Kupën e Gjermanisë dhe pastaj Union Berlinin në kampionat. Në të gjitha këto impenjime, Bajerni do të drejtohet nga asistentët e Nagelsman, Dino Topmëler dhe Xaver Zembrod , të cilët janë gati, ashtu siç bënë në Lisbonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.