.png)
Gazeta Si – Pasuesi i italianit Kolela në stolin e Partizanit do të jetë një kroat. Drejtuesit e ekipit kampion kanë arritur marrëveshjen me 49-vjeçarin Zoran Zekiç, pritet vetëm zyrtarizimi.
Bëhet fjalë për një trajner me përvojë, i cili ka drejtuar skuadra të njohura në vendin e tij, si Osijeku dhe Slaven Belupo, por edhe Sherifin e Tiraspolit në Moldavi. Kroati tani ka pranuar të marrë drejtimin e Partizanit, që synon të hapë një cikël fitues dhe të bëjë mirë edhe në Europë.
Partizani e mbylli kampionatin me titullin kampion, por drejtuesit e klubit të kuq nuk u bindën nga italiani Xhovani Kolela. Largimi i tij u bë zyrtar vetëm një ditë më parë, ndërsa tani pritet që klubi të zyrtarizojë dhe prezantojë trajnerin e ri.
Klubi po punon edhe në merkato, për të fuqizuar grupin para se të nisin ndeshjet eliminatore të Ligës së Kampionëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
