Gazeta Si - Një ngjarje e rëndë ka ndodhur në një familje në Mitrovicë të Kosovës, ku dy anëtarë të së njëjtës familje janë vrarë. Sherri nisi mes tyre, teksa djali goditi me thikë babain e tij.
Ky i fundit mbeti i plagosur dhe u dërgua në spital, ku dhe ndërroi jetë pak minuta më vonë.
Ndërkohë në sherr është përfshirë edhe djali tjetër, i cili pasi pa se vëllai goditi me thikë babain e tyre, ka sulmuar edhe vetë vëllain e tij duke e lënë të vdekur.
KosovaPress raporton se krimi i rëndë ka ndodhur në familjen Bigoviç. Dy vëllezërit janë binjakë, ndërsa babai i tyre avokat i njohur në Mitrovicë.
Nga hetimet e deritanishme të Policisë së Kosovës rezulton që kjo të jetë dinamika e ngjarjes, pra djali vrau me thikë babain dhe u vra edhe vetë nga vëllai i tij binjak.
Ajo që nuk dihet deri më tani është shkaku i konfliktit brenda familjes që përfundoi me dy të vrarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.