Gazeta Si - Bosi i Mercedesit, Tofo Volf, vë bast sërish për 7 herë kampionin e botës, Ljuis Hemilton. Ky sezon nuk ka qenë pozitiv për anglezin dhe skuderinë gjermane deri tani.
Është sezoni më i vështirë për Hemiltonin. Epilogu i Botërorit të fundit, i humbur në sprintin final me polemikash, ka lënë një plagë të thellë tek anglezi.
Hemilton po vuan për shkak të makinës zhgënjyese. Ai që duhej të ishte sezoni i rikthimit, po kthehet në një udhëkryq. Garën e fundit në Azerbajxhan anglezi e mbylli me një dhimbje të fortë në shpinë, aq sa u vu në dyshim pjesëmarrjen në garën e Kanadasë.
Toto Volf mendon se Hemilton nuk ka perënduar. Ai është gati të vërë bast për pilotin e ‘shigjetave të argjendta’. "Nuk mendoj se Ljuis është në rënie. Është piloti më i mirë që ka qenë ndonjëherë.
Dominoi pjesën e fundit të Botërorit 2021, deri në Abu Dhabi. Që atëherë kanë kaluar vetëm 4 muaj, nuk i ka humbur aftësitë e tij. E pamë në Barcelonë, ishte gjeniu që njohim”, - ka thënë Toto Volf.
Në Spanjë britaniku ishte protagonist i një rikueprimi të pabesueshëm nga vendi i fundit në të 5-tin. Por përveç asaj gare, ecuria e Hemiltonit ka qenë plot vështirësi.
Anglezi është i 6-i në klasifikimin e pilotëve. Pas 8 garash ai ka 62 pikë. Është ngjjitur vetëm një herë në pod në Bahrein, kurse shoku i skuadrës, Xhorxh Rasëll, është i 4-i me 99 pikë.
"Diferencat janë të vogla. Derisa makina nuk është akoma e mirë për të luftuar për vendet e para, nuk mund të thuhet se Xhorxh po e kalon Lujisin dhe anasjelltas”, - ka shtuar Tofo Volf.
Mercedesi është i treti në klasifikimin e konstruktorëve, 108 pikë pas Red Bull-it dhe 80 pikë pas Ferrarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.