.png)
Gazeta Si – Javën e ardhshme pritet të zyrtarizohet shitja e Sandro Tonali te Njukasëlli nga Milani. Një humbje e madhe për futbollin italian, që trajneri i kombëtares, Roberto Mançini, e vë më shumë në dukje.
“Nga njëra anë është për të ardhur keq që lojtar i ri dhe mjaft i mirë si Tonali, largohet nga Italia. Do të thotë që këtu ka një problem. Në anën tjetër ai shkon të luajë në Premier Ligë, në një nivel teknik që do ta përmirësojë atë”, - ka thënë trajneri për Sky.
Po të kemi parasysh lojtarët e grumbulluar nga Mançini për Finals të Ligës së Kombeve, ku ‘axurrët’ e mbyllën të tretët, Tonali do të bëhej i 8-i nga 23 që ishin në listë, që luan jashtë Italisë.
Të tjerët janë Donaruma (Psg), Zhorzhinjo (Arsenal), Verrati (Psg), Xaniolo (Gallatasarai), Gnonto (Lids), Retegui (Tigre). Pa llogaritur këtu shitjen e mundshme të Vikarios nga Empoli te Totenhemi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
