Kryeministri Edi Rama, tha se nuk ka dijeni që ish-aleati i tij politik, Tom Doshi ishte paraqitur brenda ambienteve të Kryeministrisë këtë të mërkurë.
I pyetur në konferencën për shtyp pas mbledhjes së qeverisë, Rama u shpreh se nuk është detyra e tij që të ruajë se kush hyn e kush del nga godina.
“Nuk kam asnjë dijeni për këtë. Se kush hyn e kush del në gjithë këtë godinë nuk është detyra ime. Unë hyj nga diku dhe kam pjesën time të punës. Se kush hyn e kush del, është mbase detyra juaj t’i përgjoni, nuk është detyra ime t’i kontrolloj”, theksoi ai.
Në mesditë media filmoi të dilte nga ambientet e Kryeministrisë Tom Doshin.
Në zgjedhjet e fundit ai fitoi mandatin e deputetit, por hoqi dorë.
Tom Doshi është një ndër politikanët e shpallur non-grata nga Departamenti Amerikan i Shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.