.png)
Gazeta Si – Rinisje nga… zero! Me rikthimin te fitorja në Japoni, Maks Vershtapen rilidhi në Suzuka fijen për gjuetinë e të gjitha rekordeve të historisë së Formula 1. Kampioni holandez që po rishkruan historinë e automobilizmi kishte ndërprerë në Singapor garën e rekordit për podet radhazi në një sezon, që mbahet nga Mikael Shumaker në kuotën 17.
Vershtapen u ndal në kuotën 15. Ai ka rinisur nga Japonia të ndjekë një nga rekordet më domethënës. Për të thënë të vërtetën, duke i hequr fjalën "radhazi" rekordit që po flasim, holandezi që në Katar mund të shpallet kampion për herë të 3-të radhazi, ka bërë më mirë se Shumaker.
Ai është ngjitur 18 herë në pod në 2021-shin në 22 gara. Pa harruar që gjatë viteve kur Shumaker garonte, kalendari kapi shifrën e 10 garave vetëm në sezonin e fundit të gjermanit. Konkretisht bëhet fjalë për Botërorin 2012, kur Shumi drejtonte Mercedesin.
Ish-piloti gjerman prevalon ende ndaj Vershtapen për numrin e podeve, sërish radhazi edhe këtë herë, - në më shumë se një sezon: 19 për Shumakerin. U ndërpre, siç thamë, në Marina Bay seria e Vershtapen (15 GP), që kishte filluar me fitoren në Abu Dhabi 2022.
Duhet thënë se nga çdo pikëpamje, krahasimi "i podeve" anon nga holandezi vetëm në nivelin e kualitetit absolut. Rekordi i gjermanit në një farë mënyre "njolloset” nga një vend i 3-të 21 vjet më parë në Malejzi. Vershtapen nuk ka zbritur kurrë më poshtë se shkalla e 2-të e podit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
