Gazeta Si – Tirana ishte duke humbur 2 pikë të rëndësishme ndaj Kastriotit të vendit të fundit, por në minutën e 100-të të ndeshjes ka ardhur goli që ka çliruar kampionët në fuqi dhe që i ka shkëputur sërish 3 pikë nga Partizani. I riu Nikqi realizoi golin e fitores.
Ishte një ndeshje, që Tirana pritej ta zgjidhte më lehtë. Dhe mundësitë i kishte, pasi fitoi një penallti me VAR në pjesën e parë, por Florent Hasani gaboi përballë portierit Sali.
Gjatë lojës pati jo pak tension. Nuk munguan edhe përplasjet fizike mes lojtarëve në fushë. Të dyja skuadrat e mbyllën ndeshjen me nga 10 lojtarë, sepse Çela i Kastritoit dhe Aleksi i Tiranës u ndëshkuan me karton të kuq për shkak të reagimeve të tyre josportive.
Në fundin e shtesës Nikqi gjeti goditjen fitimtare me kokë, duke e çuar topin në rrjetën e portës së Kastriotit, që mbetet në vend të fundit. Tirana ngjitet në kuotën e 40 pikëve.
Ndeshja tjetër e luajtur sot në Rrogozhinë, mes Egnatias dhe Vllaznisë, u mbyll në barazim pa gola. Një rezultat që lë më të pakënaqur shkodranët pretendentë për titull.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.