Presidenti i Kosovës Hashim Thaçi gjatë vizitës së tij në Mynih është takuar me të dërguarin special të SHBA për dialogun Kosovë-Serbi, Richard Grenell. Thaçi tha se Kosova beson në rolin e Shteteve të Bashkuara të Amerikës në dialogun Kosovë-Serbi.
“Gjithmonë kënaqësi të takohem me Richard Grenell. Diskutuam për dialogun mes Kosovës dhe Serbisë, dhe hapat e ardhshëm drejt arritjes së marrëveshjes finale për njohje dhe anëtarësimin në Kombet e Bashkuara. Mirënjohës për dinamikën e re që ai ka sjellë në proces dhe vendosmërinë e tij për paqe dhe përparim dhe rajon” - deklaroi Thaçi pas takimit.
Thaçi ndër të tjera ka shprehur hapur zhgënjimin rreth mos liberalizmit të vizave. “Kosova është e zhgënjyer dhe e tradhtuar nga BE, sepse i kemi kryer të gjitha obligimet dhe liberalizimi i vizave është ende larg.”, është shprehur Thaçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.