.png)
Presidenti i Argjentinës ishte në humor për kompromise. "Të pranoja një marrëveshje të shpejtë me FMN-në do të thoshte të ulesha në gjunjë dhe të pranoja kushtet e kredituesëve",- tha Alberto Fernandez. "Kjo nuk është një gjë që e bën një peronist. Ne e dim ëkë përfaqësojmë. Ju përfaqësojmë ju dhe jo kredituesit. "
Teksa afati për të paguar borxhin 75 miliardë dollarësh ndaj FMN-së afrohet, Argjentina është përballë një krize ekonomike dhe ka nevojë për një tjetër marrëveshje me Fondin që të përfitojë më shumë para.
Në vend që të mundohen për një marrëveshje, Fernandez dhe ministrat e tij po e vështirësojnë më shumë punën para zgjedhjeve që mbahen të dielën, ku peronistët mund të humbin mazhorancën. Ata kanë surprizuar FMN-në, duke insituar në koncesione të mëdha me interess të ulëta dhe afate të gjata për t'i paguar.
"Jam shumë pesimist. Tashmë mund të ndodhë cdo gjë", -thotë për Financial Times një zyrtar i afërt me të dyja palët. "Në një anë është reputacioni i Fondit që duhet të ndihmojë ekonomitë në zhvillim për të dalë nga pandemia dhe në një anë e ardhmja e Argjentinës, pjesë e G20 dhe një eskportues i madh i drithërave që rrezikon ta nxjerrë veten nga komuniteti dhe të izolohet.
Shumica e ekonomistëve janë dakord se nëse dështon marrëveshja me FMN-në deri në muajin Mars, do të ishte shkatërruese. Buenos Aires do të ngelet me detyrime te prapambetura ndaj Fondit, gjë që do të ndërpriste dhe marrëdhënien me huadhënësit e tjerë.
Investitorët privatë tashmë e kanë lënë në baltë Argjentinën dhe një mosmarrëveshje me FMN, mund ta lërë atë në një jetimore financiare. Gjithsesi do të iste fitore nëse, Argjentina me një qeveri peroniste, do të mundte të ndiqte rrugën nacionaliste për sistemin e vet ekonomik.
"Lidhja midis nesh dhe Fondit nuk është ajo e një huadhënësi dhe një huamarrësi, por e një mashtruesi dhe të mashtruarit",-thotë Juan Grabois, lider i një lëvizjeje radikale në Argjentinë, pjesë e koalicionit qeverisës. "Për ne, FMN-ja është djalli."
E vetmja lojë në qytet
Kredia 57 milardë dollarëshe e FMN-së ishtë kontrverse që nga fillimi. U vendos në nxitim në vitin 2018, kur presidenti Mauricio Macri lajmëroi një krizë të tregjeve ekonomike që zhvlerësuan peson dhe borxhi u aprovua dhe nga Donald Trump, shpirti binjak i Macri. Shqetësimet rreth një borxhi kaq të madh për një vend që ka marrë borxh 21 herë nga FMN-ja, u lanë mënjanë.
Historia e një borxhi, 1890
Pas marrjes së borxheve të herë pas herëshme, për të modernizuar kryeqytetin e Buenos Aires, vendi nuk pagoi asnjë pjesë dhe u "arratis" nga bankat. U deshën 4 vite që vendi të dilte nga borxhi me ndihmën e investimeve nga Anglia.
"Ne ishim e vetmja lojë në atë qytet", -tha christine Lagrde në 2019-n duke justifikuar kredinë. "Nuk kishte askënd tjetër që të mund të investonte në rikuperim, sidomos në atë masë."
Pas zgjedhjeve në 2019-n, Macri u largua dhe u zëvëndësua nga fituesit me në krye Fernandez, i cili mori në dorë një ekonomi në reçesion dhe 57 miliardë dollarë borxh ndaj FMN-së. "Qartazi borxhi ishte për të financuar fushatën e Macri",- thotë Santiago Cafiero, Ministri i Jashtëm i Argjentinës.
"Borxhi më i madh në histori nga Fondi financonte fluturimet nga 2018-19 dhe FMN ka përgjegjësi të madhenpër këtë, ka pasur procedura të devijuara."
Historia e një borxhi, 1982
Borxhi i jashtëm i Argjentinës arriti në 46 miliardë dollarë nën regjimin militar të Leopoldo Galtieri që do të financonte industritë shtetërore. Dështimi për të përballuar kurbën e inflacionit, solli në pushtet Carlos Menem, një tjetër peronist. Borxhi i jashtëm më vonë shkoi në 100 mld.
Argjentina ka për t'i paguar FMN-së afërsisht 19 mld dollarë vitin që vjen. Bazuar në të gjithë ngjarjet e ndodhura, Fondi do ta ketë të vështirë të pranojë të tjera bashkëpunime me Argjentinën
Ndërkohë që marrëdhënia midis Argjentinës dhe FMN-së përkeqësohet, ekonomia po vuan.
Janë shkurtuar financimet ndërkokmbëtare dhe qeveria po printon më shumë para që të ndihmojë në financimin e deficit duke nxitur inflacionin që po rritet me 50% në vit. Për tu ruajtuar nga informaliteti, vendi kontrollon sasitë e dollarit në qarkullim. Është lajmëruar, ngrirja e çmimeve të më shumë se 1.400 produkteve. "Ideja e Macri-t ishte që Argjentina të bëhej pjesë e botës, por peronistët nuk e kanë këtë qëllim. "
Historia e një borxhi, 2001
Në atë kohë ishte borxhi më i madh nga çdo vend në histori. Pagesat janë ndalur për obligacionet me vlerë 95 miliardë dollarë. Dy marrëveshje ristrukturimi pasuan në 2005 dhe 2010 përpara se Argjentina të hynte në mospagim teknik në 2014 pasi një gjykatës amerikan vendosi se nuk mund të shërbente borxhin e saj të ristrukturuar jashtë vendit pa paguar më parë të ashtuquajturit kreditorë 'holdout'.
Pikat kryesore të pengesave janë kërkesat e Argjentinës që shtesat e borxhit të hiqen mbi normat e interesit që ajo i paguan FMN-së dhe të ketë më shumë se 10 vjet afat për shlyerje. Nga ana e saj, FMN dëshiron të shohë një plan të besueshëm për të ulur deficitin fiskal të vendit gjatë viteve të ardhshme.
Me rezervat neto në valutë të huaj të Argjentinës duke u ulur, logjika ekonomike sugjeron se edhe një marrëveshje e zhveshur do të ishte rezultati më i mirë për të dyja palët, megjithatë politika e një marrëveshjeje po bëhet gjithnjë e më komplekse në Argjentinë.
Koalicioni peronist ka të ngjarë të pësojë një disfatë të rëndë të dielën, diçka që do të mprehte ndarjet e brendshme përpara fushatës së ardhshme presidenciale në 2023. Krahu radikal, i udhëhequr nga Cristina Fernández de Kirchner, zëvendëspresidentja me ndikim, beson se përgjigja është të të përforcojë politikat nacionaliste, të forcojë kontrollet e qeverisë mbi ekonominë dhe të këmbëngulë që FMN të heqë dorë.
Një histori borxhi, 2018
Nën një qeveri të re konservatore të tregut të lirë, e cila kishte premtuar nmasa shtrënguese duke premtuar se do të tërhiqte investime të reja, Argjentina siguroi një linjë krediti prej 57 miliardë dollarësh të FMN-së, më e madhja në historinë e Fondit. Administrata aktuale ka më shumë se një vit në negociata për shtyrjen e pagesave.
Një makth absolut
Sergio Berensztein, një konsulent politik me ndikim dhe kolumnist gazete, mendon se skenari më i mundshëm është ai që ai e quan "përçarje mediokër". “Do të ketë një marrëveshje jo optimale me fondin, një zhvlerësim të vogël” dhe një ulje modeste të deficitit. "Kjo nuk do të zgjidhë asgjë thelbësore," shton ai.
Edhe nëse do të arrihet një marrëveshje e tillë, njerëzit pranë bisedimeve paralajmërojnë se ajo mund të dalë shpejt nga rruga. Një marrëveshje e re me FMN-në do t'i siguronte Argjentinës para të reja për të shlyer borxhin ekzistues ndaj fondit. Por një rishikim nëse vendi i kishte përmbushur detyrimet e tij do të duhej përpara çdo pagese.
"Do të ishte një makth absolut," thotë personi i parë pranë bisedimeve. “Çdo tre muaj do të kishit një panik rishikimi ishte në rrugën e duhur dhe nëse bordi i FMN-së do të miratonte një disbursim”.
“Duket se ka një linjë të menduari brenda qeverisë argjentinase që borxhet për fondin janë më të kushtueshme sesa për Argjentinën,” thotë ai. “Kështu që ata mund ta luajnë atë kartë për një muaj për të parë nëse fondi do të përuulet për disa nga kërkesat e Argjentinës. . . politikat e tyre janë të çmendura.”
Burimi:Financial Times/Përshtati:Gazeta "SI"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
