.png)
Votuesit në Argjentinë i kanë dhënë një goditje të rëndë partisë Peroniste në pushtet në zgjedhjet afatmesme, sipas rezultateve paraprake, me partinë e qendrës së majtë të Presidentit Albert Fernandez e cila është në rrugën e duhur për të humbur shumicën e saj në Kongres pas pothuajse 40 vjetësh.
Shumica e votave janë numëruar të dielën dhe opozita konservatore e Juntos pati shumë mëbshtetje në garën për Senat.
Më herët Juntos hyri në një betejë të fuqshme dhe në vendet e ulëta të Senatit në Buenos Aires, bastion i peronistëve.
Këto rezultate janë një votë ndëshkuese kundër qeverisë së Fenandez në mes të inflacionit dhe vafërisë në rritje.
Teresa Bo e Al Jazeera tha se humbja e Kongresit nga partia në pushtet “është diçka historike, është hera e parë që diçka e tillë po ndodh që kur Argjentina u kthye në një demokraci në vitet 1980.
“Për Alberto Fernandez, është një situatë shumë e tensionuar. Atij i kanë mbetur edhe dy vite dhe këto dy vite do të jenë jashtëzakonisht të vështira”,- shtoi ajo.
Në një fjalim në orët e vona të natës drejtuar kombit, Fernandez hyri në mbrojtje, duke nënkuptuar dhe duke bërë thirrje për bashkëpunim "patriotik" nga opozita.
Duke marrë një ton të moderuar, presidenti u zotua të zgjidhë çështjen me borxhin e vendit me Fondin Monetar Ndërkombëtar, të trajtojë spiralen e inflacionit dhe t'i dërgojë Kongresit një plan afatgjatë ekonomik në fillim të dhjetorit, diçka që investitorët dhe FMN-ja kanë kërkuar mes negociatave mbi një marrëveshje të re me Fondin.
“Në këtë fazë të re, ne do të thellojmë përpjekjet tona për të arritur një marrëveshje të qëndrueshme me FMN. Ne duhet të pastrojmë pasiguritë që vijnë me këtë lloj borxhi të paqëndrueshëm, "tha Fernandez.
“Dy vite të vështira përpara”
Rreth 34 milionë argjentinas kishin të drejtë të votonin në zgjedhjet e së dielës, të cilat u mbajtën për të zgjedhur 127 vende kombëtare në të gjithë vendin, që përfaqësojnë gjysmën e vendeve në Dhomën e Deputetëve dhe 24 senatorë kombëtarë në tetë provinca, ekuivalente me një të tretën e Senatit.
Votimi qe pa probleme, por shumë votues ishin të zemëruar ose të dëshpëruar mes inflacionit të shfrenuar që shkonte mbi 50% dhe niveleve të larta të varfërisë të forcuara nga pandemia Covid-19.
"Unë njoh shumë pak njerëz që fitojnë para të mjaftueshme për të arritur në fund të muajit," tha Ricardo Arese, 69 vjeç, një roje sigurie në kryeqytetin Buenos Aires. Shpenzimet e tij shtëpiake janë rritur 300% që nga viti 2016, tha ai dhe ai sheh pak arsye për optimizëm.
Popullariteti i Fernandez është goditur për shkak të situatës me Covid-19, inflacionit dhe një monedhe që po arrin nivelet më të ulëta rekord kundrejt dollarit amerikan, pavarësisht kontrolleve të rrepta të kapitalit. Qeveria është përpjekur të rrisë mbështetjen, duke njoftuar muajin e kaluar një marrëveshje me sektorin privat për të ngrirë çmimet për më shumë se 1.500 mallra bazë, si dhe duke rritur pagën minimale dhe shtesat familjare.
Ignacio Labaqui, analist argjentinas në kompaninë konsulente Medley Global Advisors me bazë në Nju Jork, tha se një humbje e konsiderueshme do të nënkuptonte se Fernandez do të mbetej me "pak fuqi politike, si një pjesë e koalicionit plot me ankesa të brendshme dhe me një grumbull problemesh ekonomike për të rregulluar. duke filluar nga inflacioni”.
Pasi hodhi votën e tij, Fernandez premtoi se do të luftonte pavarësisht nga rezultati, pavarësisht nga ekspertët që thanë se ai do të përballej me një luftë për pushtet me krahun më radikal të partisë së tij, aleat me nënpresidenten me ndikim, Cristina Fernandez de Kirchner.
“Sonte do të dëgjojmë se çfarë kanë thënë njerëzit. Nesër… Argjentina vazhdon, me gjithë forcën për të vazhduar qeverisjen dhe për të bërë atë që duhet të bëjmë në mënyrë që vendi të jetë mirë,” tha ai.
Që nga shkrirja ekonomike e vendit në fillim të viteve 2000, e cila hodhi në varfëri miliona argjentinas të klasës së mesme, shumë familje kanë filluar të mbështeten në shpenzimet sociale nga qeveritë peroniste.
Burimi: Al Jazeera/Përshtati:Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
