Gazeta Si - Gjykata e Posaçme caktoi masën e sigurisë “arrest në burg” për Bledar Zenelin, i akuzuar për “nxitje, thirrje dhe propagandë për kryerjen e veprave me qëllime terroriste” dhe “nxitje të urrejtjes ose grindjeve”.
I dyshuari u përlot në sallën e gjyqit, duke mohuar akuzën. “Nuk kam nxitur terrorizëm”, është shprehur ai.
Përmes avokatit të tij, ai tha se kishte publikuar citate të Kuranit, si edhe citimin e imamëve të ndryshëm.
Në një deklaratë për mediat, Sajmir Visha u shpreh se në këtë gjykatë njerëzit vazhdojnë të trajtohen si numra.
Visha tha se “është për të ardhur keq që kjo gjykatë përdor njerëzit si send” duke kundërshtuar vendimin.
30-vjeçari, me profesion murator, u ndalua me urdhër të SPAK pak ditë më parë, pasi prokurori i Posaçëm u bind se i riu po propagandonte për qëllime terroriste dhe se po nxiste urrejtjen
I mbajtur nën vëzhgmin e antiterrorit për dy vjet, Zeneli përdori gjerësisht rrjetet sociale për të mbështetur ISIS dhe sulmet e ndodhura gjatë kësaj kohe.
Zeneli, thotë SPAK, shfaqet duke komentuar kundër shtetit të tij dhe duke bërë propagandë për Shtetin Islamik.
SPAK dhe antiterrori thonë se në dy vite ndjekje dhe vëzhgim, rezulton se 30-vjeçari hapi llogari në “Twitter, “Intagram” dhe “Facebook” dhe aty nxiti urrejtjen duke folur për xhihadin dhe luftën e drejtë qe sipas tij ishte ajo e shtetit islamik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.