Lëkundje tërmeti janë ndjerë në vendin tonë rreth orës 16:08 të pasdites së të premtes. Dridhjet e tokës për fat të mirë kanë zgjatur për disa sekonda.
Sipas të dhënave sizmiologjike, epiqendra ka qenë 2 kilometra larg Bulqizës, por lëkundjet janë ndier edhe në Tiranë. Tërmeti ka rënë në një thellësi 2 kilometra nën tokë.
Përveç se në Shqipëri, tërmeti është ndjerë edhe në Maqedoninë e Veriut. Për momentin nuk raportohet për persona të lënduar apo dëme materiale.
Thuajse para dy javësh, Bulqiza dhe zonat përreth u godit nga një tërmet me madhësi 4.4 ballë, ku si pasojë u dëmtuan me qindra shtëpi. Lëkundjet ishin të forta dhe u ndjenë edhe në kryeqytet, Elbasan dhe Dibër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.