.png)
Tashmë është zyrtare: “El Clasico” Barcelona-Real Madrid, e parashikuar në kalendar të luhej më 26 tetor, në “Camp Nou”, është shtyrë. Arsyeja ka të bëjë me trazirat dhe tensionin e lartë që po kalon aktualisht Katalonja. Për momentin, nuk ka ende një datë zyrtare se kur do të luhet kjo ndeshje. U takon dy klubeve të vendosin për datën.
Drejtuesit e Barcelonës dhe Real Madridit kanë kohë deri të hënën, në orën 10:00, që ta arrijnë një akord për datën e re. Nëse dy klubet nuk bien dakord deri të hënën, atëherë vendimin do ta marrë komisioni i La Ligas.
Datat që po merren në konsideratë në këtë moment janë tre. E para është e mërkura e 18 dhjetorit, që në fakt koincidon me një tur të Kupës së Spanjës. Pastaj janë e mërkura e 4 dhjetorit dhe e shtuna e 7 dhjetorit, që spostojnë ndeshje të tjera të Barcelonës dhe Real Madrid dit atë fundjavë. Duhet pritur deri të hënën për të mësuar se çfarë vendimi do të marrin Barcelona dhe Reali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
