Njerez

Tabitha, nëna që ka dhuruar 400 litra qumësht për fëmijët e lindur para kohe  



Vajza tetë muajsh, Cleo-ja, pi, çdo ditë, më pak se 0.8 litra nga qumështi i saj. Por mamaja 29-vjeçare, Tabitha Frost, prodhon më shumë se dy litra e gjysmë në ditë. Gjendja e saj njihet si “hiperlaktacion”  që e çon të prodhojë  tri herë më shumë qumësht gjiri, sesa mesatarja. Tabitha, e cila ka edhe dy fëmijë të tjerë, ka zgjedhur ta shndërrojë këtë situatë ( që nëse nuk menaxhohet drejt, mund të çojë në ënjtje të gjëndrave të qumështit dhe mastit), në një mundësi për të ndihmuar foshnje të tjera: fëmijët alergjikë ndaj qumështit artificial dhe ata të lindur para kohe, nënave të të cilëve nuk u ka ardhur qumështi akoma. Për ta bërë këtë, mbledh qumështin e saj të paktën çdo tri orë dhe ia dhuron kujt ka nevojë: deri tani ka dhuruar më shumë se katërqind litra. “Kohëve të fundit ia kam dhuruar një çifti binjakësh të lindur parakohshëm”, shpjegon gruaja.

Qumështi i depozituar në frigorifer, pasi  Tabitha e mbledh. 

“Kanë nevojë të ushqehen përmes aparaturave speciale.” Tabithës i duhet të jetë gati për ta mbledhur qumështin në çdo çast, pavarësisht se ku gjendet apo çfarë po bën: “Rutina ime nuk ndalet nëse jam  me pushime, nëse nuk ndihem mirë apo nëse nuk kam fjetur. E bëj gjithmonë. Është si një punë me kohë të plotë. E kam bërë kudo: në koncerte, në ndeshjet e bejsbollit, në makinë, në muze. Kudo ku mund të merrni me mend, e kam bërë.  Nuk lejoj që asgjë ta pengojë.” Me t’u hedhur në kontenierë të sterilizuar, qumështi i gjirit ngrihet përpara se të dhurohet, përmes një  shoqate , që quhet “Prolacta”.

Bashkëshorti i saj, Nick-u,  35 vjeç, e miraton vendimin e së shoqes, e mbështet dhe e ndihmon. Tabitha shpjegon se ndonjëherë i ndodh të zgjohet në mes të natës, ndërsa mbledh qumështin, por është shumë dakord  me dhurimin dhe nuk ankohet kurrë. “Edhe nëse dalim mbrëmjeve, e di se do të veçohem  për 15 minuta. E di se, pavarësisht nga vendi ku gjendem, çdo tre orë është momenti për ta mbledhur. Është padyshim një punë e vështirë, por të jep shumë kënaqësi dhe derisa do mundem, nuk do të ndalem”.

Më Shumë