Të shtëna me armë në metro mes pasagjerëve në Nju Jork, 1 i vdekur dhe pesë të plagosur

Gazeta Si - Një burrë u vra dhe të paktën pesë të tjerë - përfshirë dy adoleshentë - u plagosën kur të shtënat shpërthyen në një stacion metroje në Bronx, Nju Jork.

Ngjarja ndodhi të hënën pasdite gjatë orës së pikut, kur trenat ishin të mbushur me turistë dhe njerëz që ktheheshin në shtëpi nga puna, raporton “Neë York Post” nga burime policore dhe forcat e rendit.

Rreth dhjetë të shtëna shpërthyen në stacionin Mount Eden Avenue, tre ndalesa nga stadiumi Yankee, pasi një përleshje shpërtheu në trenin 4 rreth orës 16:40 me orën lokale (22:40 në Europë), duke krijuar "kaos total", sipas dëshmitarëve dhe burimeve.

Policia ka konfirmuar se nga të shtënat ka mbetur i vrarë një 35-vjeçar. Identiteti i tij nuk u bë i ditur në pritje të njoftimit të familjes.

Një vajzë 14-vjeçare, një djalë 15-vjeçar, një grua 29-vjeçare dhe dy burra të moshës 71 dhe 28 vjeç janë qëlluar gjithashtu, tha policia.

Të pesë të lënduarit janë shtruar në spital në gjendje të qëndrueshme. Burime nga forcat e rendit raportuan se dy persona mund të kenë qëlluar me armë zjarri.

Debati, i cili filloi në tren, u përhap në platformë dhe prej andej filluan të fluturojnë plumbat, thanë disa dëshmitarë.

Nuk ishte një sulmues i vetëm ai që hapi zjarr "rastësisht" mbi pasagjerët, sqaroi komisioneri Michael Kemper, në një qytet të shënuar nga krimi, në vitin 2022, të një 60-vjeçari që qëlloi në një tren të mbushur me njerëz të metrosë, duke lënë për mrekulli vetëm rreth tridhjetë persona të plagosur.

Pasditen e së hënës vonë, dy grupe "rivale" të rinjsh po "grindeshin" në një tren që shkonte në stacion, kur një anëtar i një grupi nxori armën dhe hapi zjarr mbi platformën, pikërisht në momentin që u hapën dyert e vagonit.

Nuk ishte e qartë menjëherë se çfarë shkaktoi grindjen, por autoritetet po kërkojnë për dy të dyshuar të mundshëm të lidhur me incidentin.

Një grua që njoftoi 911 nga banesa e saj tha se pa tre adoleshentë në shinat e trenit pasi dëgjoi më shumë se dhjetë të shtëna armësh.

“Treni po mbërrinte, – tha një dëshmitar, Efrain Feliciano, 61 vjeç, – dhe ne dëgjuam britmat e djemve. Në një moment të caktuar u qëlluan të paktën gjashtë të shtëna me armë”. “Pashë një grua duke mbajtur djalin e saj dhe duke bërtitur,” shtoi ai.

Personi që qëlloi ishte i veshur me një xhaketë të kuqe dhe e kishte fytyrën të mbuluar nga një maskë skish: ai ka qëlluar drejt njerëzve që prisnin trenin. Hetuesit nuk kanë dhënë detaje të tjera për momentin. Vrasësi u arratis, duke humbur gjurmët e tij.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.