.png)
Nga sot, kanë nisur pagesat për kalimin në Rrugën e Kombit, por ndryshe nga të tjerët kuksianët do kenë tarifa të reduktuara. Por, kryeministri Rama përmes një statusi në “Twitter”, premton se të gjitha të ardhurat e mbledhura nga rruga do shkojnë për investime në Kukës.
“Faleminderit kuksianëve për mirëkuptimin e qytetarinë. Ndjesë për shqetësimin e krijuar, do të bëjmë gjithçka që çdo qindrakë për rrugën të kthehet në investim. Kukësi do të bëhet shpejt me aeroport e do të ketë më shumë investime”, tha Rama.
Faleminderit kuksianëve për mirëkuptimin e qytetarinë🤝Dhe njëherë ndjesë për shqetësimin e krijuar🙏Do bëjmë çmos që jo vetëm çdo qindarkë për rrugën të kthehet në investim,po dhe që Kukësi të bëhet shpejt me aeroport e të ketë më shumë investime e punësim real +stadium të ri😁
— Edi Rama (@ediramaal) September 17, 2018
Më herët, Ministria e Infrastrukturës dhe Energjisë ka publikuar një video informuese me detajet e tarifimit dhe kategoritë që përfitojnë reduktime të ndjeshme nga kalimi në sportelet e Rrugës së Kombit.
Tarifa për kalimin e automjeteve në autostradën Milot – Morinë do të jetë 660 lekë (ose 5 euro). Për banorët qarkut Kukës kjo tarifë është e reduktuar në 100 lekë me TVSH.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
