"A po flitet edhe te Lacio për shkurtimin e pagave? Jo, akoma jo. Duhet ta mendojmë mirë. Lojtarët janë në kontakte mes tyre, por ende nuk janë shprehur, por mund të imagjinojmë se së shpejti do të ndodhë e njëjta gjë edhe me ne”, - thotë fillimisht drejtori sportiv i Lacios, Igli Tare, në një intervistë për “Sport1”.
Më tej, drejtuesi shqiptar i klubit italian ndalet te situata në vendin fqinj: "Më duket sikur po shikoj një film horror. Kam mbetur pa fajlë kur kam parë kamionët ushtarakë të transportonin arkivolet me personat që kanë humbur jetën. Në fillim ndoshta u mor pak lehtë, ndërsa tani po flitet për një luftë. Është vërtet një shkatërrim për Italinë".
Tare është pyetur edhe për mundësitë e rifillimit të ndeshjeve të kampionatit. "Sezoni duhet të mbyllet, për respekt të atyre që kanë humbur jetën dhe për respekt të tifozëve. Por nuk është momenti i duhur tani për të vendosur, nëse do të anulohet kampionati. Numri i personave të infektuar nga Koronavirusi po fillon të ulet dhe të anulojmë sezonin nuk do të ishte e drejtë", - ka përfunduar Tare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.