.png)
Komisioni i Ligjeve miratoi ndryshimet në marrëveshjen e nënshkruar në 2014 mes Shqipërisë dhe Kosovës për shmangien e tatimit të dyfishtë.
Propozimi është bërë nga Ministria e Financave me kërkesë të palës kosovare.
Në relacionin shoqërues, Ministria e Financave thotë se ndryshimet synojnë qartësimin e taksës së dividentit, duke përcaktuar dy nivele të saj, 5 dhe 8 për qind me kushtin që kompanitë të kenë seli të përhershme në të dyja vendet.
“Së pari u përcaktua dhe u nda e drejta e taksës mbi dividentin në rastin e selive të përhershme në dy vendet. Fitimet me burim në Shqipëri vendoset tatim mbi dividentin në masën 5 dhe 8 përqind në varësi të zotërimit të kompanisë nën, apo mbi 25 për qind të aksioneve”, deklaroi drejtori i Politikave Makroekonomike dhe Çështjeve Fiskale në Ministrinë e Financave, Nikolla Lera.
Lera tha gjithashtu se ndryshimet e tjera në këtë marrëveshje lidhen me saktësimin mbi të ardhurat nga pronësia intelektuale dhe përshtatje e tyre me ndryshimet e bëra nga Bashkimi Europian dhe Organizata për Bashkëpunim dhe Zhvillim Ekonomik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
