.png)
Ish-deputetja e PD-së, Jorida Tabaku shprehet se qeveria do të paguajë 240 milionë euro më shumë nga kontratat e PPP-ve, koncensioneve. "Kërkuam një plan ekonomik në shërbim të biznesit dhe qytetarëve për pandeminë ekonomike. Ajo që u ofrua ishte një plan ekonomik i pamjaftueshëm. Sot ekonomia ka nevoje per mesazhe shprese e optimizmi, por qeveria me sa duket është e vendosur në betejën për oligarkët. Plani i qeverisë për vetëm 5 PPP pritet të shkojë në total 1 mld euro. 240 mln euro vetem nga “gabimet ne kontrata”", shkruan Tabaku në Facebook.
Opozita ka kërkuar që qeveri të anulojë fondet e parashikuara nga koncesionet për t'i përdorur paratë për përballimin e situatës që do të krijohet nga pandemia e Covid-19. PD ka paraqitur një plan për t'i ardhur në ndihmë qytetarëve dhe biznesit për përballimin e kësaj situate, ku parashikohet një faturë 250 milionë euro në muaj, por që ky propozim është hedhur poshtë nga kryeministri Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
