.png)
Gazeta Si – Armando Sadiku mendon se është shpejt për një rikthim në Superiore. Tirana dhe Partizani, që tentuan të firmosnin me sulmuesin e Kombëtares, duhet të presin. Ai e ka zgjedhur skuadrën e re.
Sadiku ka firmosur me Mohun Bagan, në Indi. Zyrtarizimi është bërë nga klubi indian me një njoftim në faqen zyrtare, ku i uron mirëseardhjen futbollisti 32-vjeçar. Skuadra e re e sulmuesit të Kombëtares u shpall kampione sezonin e fundit nëpërmjet play-offit, pasi e mbylli në vend të 3-të sezonin e rregullt.
Armando Sadiku is Officially a Mariner! 💚♥️
— IFTWC - Indian Football (@IFTWC) June 25, 2023
ISL side Mohun Bagan have announced the signing of the 32-year-old striker who is also the present national team player of Albania! pic.twitter.com/RDEVZWgxR5
Elbasanasi do të provojë kështu edhe eksperiencën aziatike, pas asaj europiane dhe amerikano-jugore. Sezonin e fundit Sadiku luajti për Kartagjenën në Spanjë, ku shënoi edhe 8 gola.
Futbollisti kuqezi, që mbahet mend për golin e vetëm të shënuar nga Shqipëria në Europianin e 2016-ës, u rikthye në Kombëtare së fundi nga trajneri Silvinjo. Ai ishte grumbulluar për dy ndeshjet me Moldavinë dhe Ishjut Faroe, duke luajtur pak minuta në fund në sfidën e dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
