.png)
Kalendari i kampionatit “Abissnet Superiore 2023-2024” dhe ai i “Kategorisë së Parë 2023-2024”, do të zbardhen këtë të mërkurë. Në ambientet e sallës së konferencave në ‘Shtëpinë e Futbollit’ do të hidhet shorti për edicionin e ri të këtyre dy kampionateve.
Departamenti i Komunikimit në FSHF, bën me dije se shorti për edicionin e 85-të të kampionatit “Abissnet Superiore” dhe “Kategorisë së Parë” do të hidhet paraditen e së mërkurës. Duke nisur nga ora 11:00.
Ashtu sikurse është bërë e ditur edhe më herët, kampionati “Abissnet Superiore” do të nisë në 19 gusht 2023. Dhe është planifikuar të mbyllet në 11 maj 2024. Ndërsa kampionati i “Kategorisë së Parë” është programuar të nisë në 2 shtator. Dhe të mbyllet në 8 maj.
Në kampionatin ‘Abissnet Superiore’ këtë sezon marrin pjesë këto skuadra: KF Tirana, KF Laçi, KF Partizani, FK Kukësi, KF Vllaznia, KF Teuta, KF Skënderbeu, KF Egnatia, FK Dinamo dhe KF Erzeni.
Ndërsa në kampionatin e ‘Kategorisë së Parë’ do të marrin pjesë këto skuadra: KF Bylis, KS Kastrioti, Flamurtari FC, FK Tomori, KS Korabi, FK Apolonia, KF Luz i Vogël 2008, FC Besa, FC Lushnja, KF Burreli, Vora, Elbasani. (Supersport)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
