.png)
Ljuis Hemiltoin i papërmbajtshëm në Rusi. Piloti anglez i Mercedesit ka siguruar “pole position” e 96-të në karrierë dhe nesër ka rastin të arrijë 91 fitoret e Mikael Shumakerit, i cili mban rekordin absolut. Hemilton arriti në Soçi një kohë më të mirë se Maks Vershtapen i Red Bull-it.
I treti u rendit Valteri Botas, piloti tjetër i Mercedesit. Një problem i mundshëm për Hemilton në garën e nesërme mund të jenë gomat. Ai do të niset me shumë mundësi me goma të bota, ndryshe nga Vershtapen dhe Botas, që do të nisen me goma të mesme.
I katërti do niset Serxhio Perez me Racing Point, pas tij Daniel Riçardo me Renault, përpara Karlos Sainz (McLaren) dhe Okon (Renault). Norris mbyll katër rreshtat e parë, ndërkohë që për Ferrarin gjithçka ka shkuar keq dhe Leklerk do të niset i 11-ti, kurse Sebastian Fetel, i cili pati një incident të frikshëm, do të niset i 15-ti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
