.png)
Gazeta Si - Franziska Giffey, ish-kryetarja e Bashkisë së Berlinit në Gjermani, aktualisht një senatore social-demokrate me përgjegjësi për ekonominë e administratës së kryeqytetit gjerman, u sulmua nga pas shpine nga persona të panjohur që e goditën në kokë.
Giffey, e cila në të kaluarën ka punuar edhe si ministre e Familjes së bashku me Angela Merkel, është sulmuar një ditë më parë në lagjen “Neukoelln”, njoftoi policia, e cila hapi një hetim.
46-vjeçarja është goditur “nga pas nga një burrë”, i cili është larguar menjëherë, “i cili ka përdorur një çantë me diçka të fortë dhe që e ka goditur në kokë dhe qafë”, fatmirësisht pa i shkaktuar dëmtime të rënda.
Ish-kryetarja e bashkisë u dërgua në spital ku u trajtua dhe nga ku doli pas analizave mjekësore.
Sulmi pason atë që ndodhi të premten e kaluar kundër kreut të SPD, Matthias Ecke, i cili u qëllua dhe u plagos rëndë nga një grup adoleshentësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
