Sulm me thika në Francë, dy të vdekur dhe një i plagosur

11:43 - 23 Gusht 2018

Një sulm me thika ka ndodhur mëngjesin e sotëm në qytetin e Trappes rreth 30 km nga Parisi.

Autori i sulmit ka vrarë dy persona dhe një tjetër e ka plagosur. Sipas raportimit të mediave franceze, ai është vrarë nga policia, ndërsa dëshmitarët kanë thënë se pas sulmit ai ka bërtitur “Allahu Akbar”.

Nuk dihet ende nëse sulmi është i një natyre terroriste, pasi motivi dhe profili i sulmuesit janë të panjohura.

Forcat e policisë vijojnë hetimet për zbardhjen e plotë të shkaqeve të ngjarjes.

Ndërkohë, Franca ka qenë në gatishmëri të vazhdueshme për sulmet terroriste xhihadiste që nga sulmet e Parisit të vitit 2015.

Trappes është i njohur për dhunën e bandës dhe varfërinë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.