.png)
Përdorimi i inteligjencës artificiale në krijimin e muzikës vazhdon të jetë një temë përçarëse dhe shifrat e fundit konfirmojnë se sulmi i këngëve të gjeneruara nga inteligjenca artificiale nuk po ngadalësohet. Më keq akoma, disa artistë po bëhen më të hapur në lidhje me përdorimin e teknologjisë kontraverse.
Ndërsa muzika e gjeneruar nga AI vazhdon të përmbytë platformat e transmetimit, një studim i ri ka zbuluar se pothuajse 40 për qind e muzikës së re të lëshuar globalisht në korrik 2026 përdori AI në krijimin e saj.
Kjo shifër alarmuese vjen nga një sondazh i ri nga SubmitHub, një platformë online që u lejon përdoruesve të dërgojnë muzikë në lista dëgjimi dhe blogje. Ata analizuan mbi një milion pjesë muzikore dhe duke përdorur detektorin e tyre të AI-së, SH Labs, zbuluan se 23.2 për qind e tyre ishin të gjeneruara plotësisht nga AI.
Përveç kësaj, u zbulua se 15.3 pë rqind kishin përdorur elementë të audios së gjeneruar nga AI që ishin “modifikuar ose përpunuar” nga njerëzit. Kjo arrin në një total prej 38.5 për qind të të gjithë muzikës së publikuar muajin e kaluar që është bërë me përfshirjen e AI-së.
Në një deklaratë, themeluesi i SubmitHub, Jason Grishkoff, tha: “Mendoj se rruga përpara për muzikën me AI është zbulimi. Njerëzit duhet të jenë në gjendje të vendosin vetë nëse duan të angazhohen me muzikë të gjeneruar nga AI.”
Këto shifra të fundit vijnë pas statistikave të reja nga Deezer, i cili raportoi se këngët e AI-së përbënin më shumë se gjysmën e të gjitha ngarkimeve të reja ditore në qershor. Ato gjithashtu vijnë pas një studimi të vitit 2025 që zbuloi se 97 për qind e njerëzve “nuk mund të dallojnë ndryshimin midis muzikës reale dhe asaj të AI-së”.
Ndërsa artistët nga Kate Bush deri te Brian May i grupit Queen kanë folur hapur për krizën ekzistenciale që inteligjenca artificiale përfaqëson për krijuesit, duke deklaruar se “përdorimi pa licencë i veprave krijuese për trajnimin e inteligjencës artificiale gjeneruese është një kërcënim i madh dhe i padrejtë për jetesën e njerëzve që qëndrojnë pas këtyre veprave”, ka disa krijues që kanë ndjekur një qasje më të ndërlikuar ndaj përdorimit të teknologjisë kontroverse.
Luke Steele i Empire Of The Sun pranoi së fundmi se përdor inteligjencën artificiale për të krijuar muzikë; Boy George tha se përdori inteligjencën artificiale për të ndihmuar në shkrimin e këngës së tij të reggae pro-Izrael “Ëe Ëill Dance Again” dhe një artist i kohëve të fundit që ka provokuar zemërimin e kolegëve të tij është reperi amerikan Tyga.
Ky i fundit pranoi se përdori inteligjencën artificiale në albumin e tij të ri (dhe të kritikuar), “$tarface”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje