.png)
Nga Gazeta Si - Studentët e Mjekësisë së Përgjithshme kanë dorëzuar në Gjykatën Kushtetuese padinë për ligjin e ri që i detyron të punojnë në vend nga 2 deri në 5 vite ose të paguajnë tarifën vjetore prej 240 mijë lekësh.
Prej 3 javësh studentët e mjekësisë janë në bojkot dhe kanë nisur protestat kundër ligjit që i vendos mes dy zgjedhjeve.
Më herët studentët kanë kërkuar edhe ndihmën e opozitës për padinë.
Gazmend Bardhi, në një postim në mediat sociale tha ditën e djeshme se 30 deputetë kanë firmosur kërkesën duke iu përgjigjur thirrjes së studentëve.
“Duke respektuar reagimin e studentëve dhe protestën e tyre, pa asnjë ndërhyrje politike, apelojmë edhe njëherë për Qeverinë që të dëgjojë zërin dhe shqetësimin e studentëve dhe t’i japë zgjidhje kërkesave të tyre”, shkroi Bardhi.
Në protestat e tyre, studentët kanë thënë se nuk do të firmosin kontratën pa vendosur Gjykata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
