.png)
Gazeta Si – Një tjetër kuqezi në Serinë A: Stiven Shpendi. Sulmuesi 20-vjeçar ka kaluar nga Çezena tek Empoli, ekipi që për futbollistët shqiptarë ka qenë një trampolinë shumë e mirë. Kujtojmë që më parë me Empolin kanë luajtur Elseid Hysaj, Kristjan Asllani dhe Nedim Bajrami.
📣 𝗪𝗲𝗹𝗰𝗼𝗺𝗲 𝗦𝘁𝗶𝘃𝗲𝗻 𝗦𝗵𝗽𝗲𝗻𝗱𝗶✍️✅💙
— Empoli Football Club Official (@EmpoliFC) August 5, 2023
Stiven Shpendi è un nuovo calciatore azzurro: attaccante albanese classe 2003 arriva a titolo temporaneo per 24 mesi con obbligo di riscatto dal @calciocesenafc pic.twitter.com/ysVRUdElLR
Shpendi, që luan me Shqipërinë U-21, do të gjejë aktualisht tek Empoli mbrojtësin Adrian Ismajli. Sulmuesi spikati sezonin e fundit te Çezena dhe disa klube ishin vënë në ndjekje të tij, madje kishte edhe një interesim të Juventusit, por tashmë gjithçka ka marrë formë zyrtare.
Marrëveshja për lojtarin shqiptar është që ai të jetë pjesë e Empolit për dy vitet e ardhshme. Në fund të kësaj periudhe klubi italian është i detyruar ta blejë përfundimisht kartonin e sulmuesit.
"Ciao tifosi azzurri, sono Stiven Shpendi e non vedo l'ora di vedervi. E forza Empoli!" 👋💙 pic.twitter.com/QXk4F48RPw
— Empoli Football Club Official (@EmpoliFC) August 5, 2023
Vetëm një ditë më parë në Serinë A u zyrtarizua një tjetër futbollist i Kombëtares, mesfushori Ylber Ramadani, i cili firmosi për Leçen, duke lënë Aberdinin në Skoci. Aktualisht në Serinë A luajnë gati gjysma e lojtarëve të Kombëtares, si Hysaj, Kumbulla, Gjimshiti, Ismajli, Bajrami, Asllani, Berisha dhe Ramadani, së fundi dhe i riu Shpendi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
