Gazeta Si – Sporting i Lisbonës ka vënë në shënjestër sulmuesin shqiptar, Armando Broja. Klubi i njohur portugez e sheh 21-vjeçarin si lojtarin e duhur për të përforcuar repartin e avancuar. Lajmi bëhet i ditur nga shtypi portugez.
Pas eksperiencës që pati sezonin e kaluar me Southemptonin, Broja nuk gjeti shumë hapësirë me londinezët deri në momentin që pësoi dëmtimin, që i mbylli sezonin. Futbollisti shqiptar është në fazën e rikuperimit dhe do të jetë gati për sezonin e ardhshëm.
Pas disa klubeve angleze, ku mund të veçohet Uest Hemi, si dhe atyre italiane, si Milan e Napoli, tani në skenë del edhe Sportingu. Me sa duket, vera që po vjen do ta gjejë Brojën në qendër të merkatos.
Situata në fakt varet edhe nga trajneri i ri që do të ketë Çelsi, ku duket se Poketino është gjithmonë e më afër. Argjentinasi parapëlqen lojtarët e rinj dhe nëse ai zyrtarizohet te Çelsi, Broja ka më shumë shanse qëndrimi. Në të kundërt, duhet të zgjedhë një skuadër tjetër, ku mund të aktivizohet rregullisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.