Ministrja e Shtetit për Marrëdhëniet me Parlamentin, Elisa Spiropali, i është përgjigjur presidentit Ilir Meta pas deklaratës së këtij të fundit sot se më 2 mars do të zhvillojë një tubim me qytetarët ku do të lidhin “besën” dhe se "prej aty do të fillojë edhe shpartallimi i grushtit të shtetit".
Spiropali thotë se "Metën nuk e ndihmon dot as Basha dhe as populli ndërkohë që grushti i shtetit ka nisur në kokën e Ilir Metës që prej nisjes së Reformës në Drejtësi dhe do të vijojë sa herë që do të miratohen ligje me konsensus të SHBA-së dhe BE-së".
“Zoti e ndihmoftë Ilir Metën se Presidentin s’e ndihmon dot më as Luli! Populli jo e jo. Sa për grushtin e shtetit, ai ka nisur në kokën e Ilirit qysh kur nisi Reforma në Drejtësi dhe do të vazhdojë sa herë që në konsensus me SHBA/BE ne miratojmë ligje që atij i duken grushte”, shkruan Spiropali.
I menjëhershëm ka qenë edhe reagimi i Presidencës.
Nëpërmjet një mesazhi në “Facebook”, Blushi e quan Spiropalin të çmendur, ndërsa e pyet nëse edhe për grushtin e shtetit kanë marrë konsensusin e SHBA-BE.
Duke i kërkuar ministres Spiropali dhe qeverisë të mbajnë fort oligarkët, Blushi flet sërish me gjuhë paralajmëruese, teksa thekson se “sa për popullin, do e shihni shumë shpejt”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.